Hormatly Prezidentimiz Serdar Berdimuhamedowyň howandarlygynda birleşigimizde iri önümçilik, maldarçylyk
we guşçulyk toplumlary guruldy. Ýaş mallary iýmlemekden başlap, et we süýt önümleri — şöhlat, süýt, we
beýleki önümleriň dürli görnüşleri öndürilýär.
Daşary ýurtlardan getirilýän harytlaryň ornuny tutýan önümçiligi giňeltmek hem-de eksport ugurly
önümleriň mukdaryny artdyrmak boýunça Döwlet maksatnamalarynyň kabul edilmegi
milli ykdysadyýetimiziň azyk pudagyny mundan beýläk-de ösdürmekde, ilatyň giň görnüşli we ýokary hilli
önümlere bolan islegini kanagatlandyrmakda möhüm ädim boldy. Häzirki wagtda Türkmenistanda
ýaýbaňlandyrylan iri möçberli özgertmeler maksatnamalary adamlaryň durmuşynyň ýokary ölçeglerini üpjün
etmäge gönükdirilendir.
Ýurdumyzyň önümçilik kuwwatyny artdyrmak we azyk bolçulygyny üpjün etmek boýunça anyk işler ýerine
ýetirilýär. Bu bolsa döwletimizi mundan beýläk-de ösdürmegiň hem-de Berkarar döwletimiziň bagtyýarlyk
döwründe halkymyzyň ýaşaýyş durmuş derejesini yzygiderli ýokarlandyrmagyň esasy ugry bolup
durýar.
Gahryman Arkadagmyzyň we Arkadagly Gahryman Serdarymyzyň tabşyryklaryndan ugur alyp, Mary welaýat
alyjylar jemgyýetleriniň birleşigi hem ýurdumyzda önümçiligi giňeltmek, ilaty ýokary hilli we elýeterli
ýerli önümler bilen üpjün etmekde giň gerimli işler alyp barýar.
